Ommaviy oferta
CEFR-TUTOR (cefr-tutor.uz va teacher.cefr-tutor.uz) platformasidan foydalanish shartlari. Amal qilish sanasi: 2026-09-05. Ro'yxatdan o'tish yoki obuna to'lovi — ushbu ofertani to'liq va so'zsiz qabul qilish (aksept) hisoblanadi.
1. Umumiy qoidalar
1.1. Ushbu hujjat O'zbekiston Respublikasi Fuqarolik kodeksining 369-moddasiga muvofiq ommaviy oferta bo'lib, Xizmat ko'rsatuvchi (bundan keyin — Platforma) tomonidan har qanday jismoniy shaxsga (bundan keyin — Foydalanuvchi) cefr-tutor.uz saytida va uning o'qituvchilar uchun teacher.cefr-tutor.uz manzilida (4.5) ingliz tilini o'rganish va CEFR Multilevel imtihoniga tayyorlanish bo'yicha axborot xizmatlarini ko'rsatish taklifidir.
1.2. Oferta aksepti: (a) ro'yxatdan o'tish formasida "roziman" belgisini qo'yib hisob yaratish; (b) obuna to'lovini amalga oshirish. Aksept qilingan paytdan boshlab shartnoma tuzilgan hisoblanadi.
1.3. Foydalanuvchi shartlarga rozi bo'lmasa, ro'yxatdan o'tmasligi va xizmatdan foydalanmasligi kerak.
1.4. 14 yoshga to'lmagan shaxslar Platformadan ota-onasi yoki qonuniy vakilining roziligi bilan foydalanadi; ro'yxatdan o'tish shunday rozilik borligini tasdiqlaydi.
2. Atamalar
- Hisob — Foydalanuvchining email va parol bilan himoyalangan shaxsiy profili.
- Bepul hisob — to'lovsiz, cheklangan funksiyalar bilan.
- Premium — pullik obuna: barcha darslar, lug'at, mocklar va AI baholash (limitlar bilan).
- Premium+ — Premium bilan bir xil imkoniyatlar, kunlik limitlar kattaroq (3.3a).
- AI Tutor — alohida pullik obuna: sun'iy intellekt bilan yozma suhbat-mashq.
- Kombo — Premium va AI Tutor birgalikda; Kombo+ — Premium+ va AI Tutor birgalikda.
- Mock — rasmiy imtihon formatidagi sinov testi (to'liq yoki bo'lim bo'yicha).
- Full Exam propuski — Full Exam'ni bir marta ishlash uchun bir martalik pullik kirish (5.7).
- AI baholash — Writing va Speaking javoblarini sun'iy intellekt (Anthropic Claude) yordamida baholash va izohlash.
- Limit — kunlik yoki haftalik chaqiruvlar soni chegarasi (3-bo'lim).
3. Xizmat mazmuni va limitlar
3.1. Platforma quyidagilarni taqdim etadi: darajalar bo'yicha darslar va mashqlar (A1–C1), so'z yodlash tizimi (flashcard, viktorina, o'yinlar), Multilevel formatidagi mock testlar, Writing/Speaking javoblarini AI baholash, Grammar fix (matn tekshiruvi), AI Tutor suhbati, so'z talaffuzi, statistika va reyting.
3.2. Bepul hisob imkoniyatlari:
3.3. Premium obuna imkoniyatlari:
3.4. AI Tutor obunasi: kuniga 15 ta xabar (har biri 2 000 belgigacha), suhbat xotirasi oxirgi 14 xabar. AI Tutor Premium'ga kirmaydi va alohida (yoki Kombo planda) sotib olinadi.
3.5. Limit tugagach: Writing/Speaking javoblari saqlanadi, lekin balga qo'shilmaydi ("AI baholamagan" deb belgilanadi), natija qolgan bo'limlar bo'yicha taxminiy hisoblanadi va AI izohi berilmaydi; Grammar fix va AI Tutor keyingi kun qayta ochiladi. Kunlik limitlar hisobi Toshkent vaqti bo'yicha kun almashganda yangilanadi. Bepul hisobning bir martalik AI sinovi ishlatilgach qayta berilmaydi (vaqt o'tishi bilan ham, obuna tugagach ham). Ushbu band Premium+ ga ham tegishli.
3.6. Platforma limitlarni oldindan e'lon qilib o'zgartirishi mumkin; joriy qiymatlar ushbu sahifada va to'lov oynasida ko'rsatiladi. Sotib olingan obuna muddati davomida limitlar Foydalanuvchi zarariga kamaytirilmaydi.
3.7. Administrator, o'qituvchi va sinov hisoblariga alohida chegaralar qo'llanishi mumkin.
3.8. Limitlarning to'liq tavsifi — taqqoslash jadvali, hisoblash tartibi (kun, sirpanuvchi hafta), limit tugaganda har funksiya qanday ishlashi — "Obuna shartlari va limitlar" hujjatida; u ushbu ofertaning ajralmas qismidir.
4. Ro'yxatdan o'tish va hisob
4.1. Ro'yxatdan o'tish uchun ism, email va kamida 8 belgili parol talab qilinadi. Email hisobni aniqlash uchun ishlatiladi va tasdiqlanmaydi. Platforma email yubormaydi: parolni tiklash kodi Telegram bot orqali (bot ulangan bo'lsa) yoki administrator orqali beriladi, xabarlar esa sayt ichida ko'rsatiladi. Shuning uchun hisobni tiklash imkoniyatini saqlash uchun Telegram botni ulab qo'yish tavsiya etiladi.
4.2. Hisob shaxsiy va boshqa shaxsga berilmaydi. Xavfsizlik uchun bir vaqtda faqat bitta faol sessiya ruxsat etiladi: yangi qurilmadan kirish oldingi sessiyani yopadi. O'qituvchi hisobi ikkala manzilda (4.5) bittadan sessiya ushlay oladi.
4.3. Foydalanuvchi parol maxfiyligi uchun o'zi javobgar. Hisobga ruxsatsiz kirish sezilsa darhol parolni almashtirish va Platformaga xabar berish kerak.
4.4. Taqiqlanadi: bir nechta hisob orqali bepul limitlarni aylanib o'tish, avtomatlashtirilgan so'rovlar (bot, skript), kontentni ommaviy ko'chirish yoki tarqatish, boshqa foydalanuvchilarga xalaqit berish, AI xizmatlarini o'quv maqsadidan tashqari ishlatish. Buzilganda Platforma hisobni ogohlantirishsiz cheklashi yoki o'chirishi mumkin; to'langan mablag' bunday holda qaytarilmaydi.
4.5. Ikki manzil. Platforma ikki manzilda ishlaydi: cefr-tutor.uz — mustaqil o'quvchilar uchun; teacher.cefr-tutor.uz — o'qituvchilar va o'qituvchi yaratgan o'quvchilar uchun (o'quvchi hisoblari, o'rinlar, kontentni boshqarish, o'z testlari va natijalar). Hisob va ushbu shartlar ikkala manzilda bir xil. cefr-tutor.uz da o'qituvchiga guruhlar, o'z testlari va ularning natijalari ochiq; to'liq kabinet teacher.cefr-tutor.uz da. O'qituvchi yaratgan (login va parol bilan) hisob faqat teacher.cefr-tutor.uz da kiradi. O'qituvchi o'z testidagi Writing va Speaking javoblarini cefr-tutor.uz da AI emas, o'qituvchining o'zi baholaydi (o'qituvchi baholaguncha bu javoblar balga qo'shilmaydi).
5. Obuna, narx va muddat
5.1. Obuna planlari, narxlari (so'mda) va muddatlari to'lov sahifasida ko'rsatiladi. Narx to'lov paytida amal qilayotgan tarif bo'yicha belgilanadi va obuna muddati davomida o'zgarmaydi.
5.2. Obuna to'lov provayderi tasdiqlagan paytdan boshlab faollashadi va plandagi kun soniga amal qiladi. Obunani muddati tugashidan oldin ham uzaytirish mumkin: yangi to'lovning kunlari joriy muddat ustiga qo'shiladi, kunlar yonib ketmaydi. Kombo planda har mahsulot alohida hisoblanadi — faoli uzayadi, faol bo'lmagani to'lov kunidan boshlanadi. Muddat 3 yildan uzoqqa cho'zilib ketmasligi uchun chegara qo'yilgan.
5.3. Obuna avtomatik uzaymaydi va karta ma'lumotlari saqlanmaydi; muddat tugagach Foydalanuvchi xohlasa qayta to'laydi. Muddat tugaganidan keyin o'quv natijalari va progress saqlanib qoladi, faqat Premium/Tutor funksiyalari yopiladi.
5.4. Chegirmalar va aksiya narxlari e'lon qilingan muddat va shartlar doirasida amal qiladi.
5.5. O'qituvchi o'rni. O'qituvchi o'zi yaratgan har bir o'quvchi uchun o'rin oladi. O'rin paketi to'langach kreditlar o'qituvchi balansiga tushadi; kredit o'quvchiga biriktirilganda 30 kunlik o'rin ochiladi (muddat biriktirilgan kundan). Biriktirilmagan kredit muddatsiz saqlanadi. Har o'qituvchida bitta doimiy bepul o'rin bor. O'rin muddati tugaganda o'quvchiga kontent yopiladi, natijalari saqlanadi. O'quvchi hisobining limitlari — Obuna shartlari va limitlar, 11-bo'lim. O'rinlar teacher.cefr-tutor.uz da (4.5) boshqariladi va to'lanadi.
5.6. O'qituvchi o'z o'quvchisi uchun AI paketini sotib olishi mumkin: muddat o'quvchi hisobiga qo'shiladi, chek to'lovchiga beriladi.
5.7. Full Exam propuski. Har qanday Foydalanuvchi (bepul hisob ham) sotib olishi mumkin. Bitta propusk Full Exam'ni Premium va kunlik reja sharti bajarilmagan holda bir marta boshlash huquqini beradi; shu imtihondagi Writing va Speaking javoblari kunlik limitlardan tashqari AI bilan baholanadi. Propusk "Boshlash" bosilgan paytda sarflanadi — imtihon vaqtida yakunlanmasa ham qaytarilmaydi. Ishlatilmagan propusk muddatsiz saqlanadi. Haftasiga bitta Full Exam qoidasi (3.3) propusk bilan ham amal qiladi. Promo-kod va sovg'a qilish propuskka qo'llanmaydi.
5.8. Ota-ona (uchinchi shaxs) to'lovi. Foydalanuvchining obunasini boshqa shaxs — jumladan, ota-onasi yoki qonuniy vakili — ota-ona kabineti (cefr-tutor.uz/parent) orqali to'lashi mumkin. Bunda to'lovchi Platformada ro'yxatdan o'tmaydi; ota-ona kabinetiga kirish Foydalanuvchi bergan bir martalik ulash kodi bilan ochiladi. To'lov qilib, to'lovchi ushbu ofertani qabul qiladi. Obuna muddati Foydalanuvchi hisobiga qo'shiladi, obunadan Foydalanuvchi foydalanadi; elektron chek to'lovchiga tegishli. Ota-ona kabinetidan faqat obuna planlari to'lanadi, promo-kod qo'llanmaydi. Qaytarish (7-bo'lim) to'lov amalga oshirilgan usul orqali to'lovchiga qilinadi.
6. To'lov tartibi
6.1. To'lov Click va Payme tizimlari orqali O'zbekiston so'mida amalga oshiriladi. Platforma karta rekvizitlarini olmaydi va saqlamaydi — ular faqat to'lov provayderi sahifasida kiritiladi.
6.2. To'lov tasdiqlangach elektron chek (fiskal ma'lumot) provayder tomonidan shakllantiriladi va "Obunam" bo'limida ko'rsatiladi.
6.3. To'lov o'tgan, lekin obuna 15 daqiqa ichida ochilmagan bo'lsa, Foydalanuvchi 9-bo'limdagi aloqa kanallari orqali murojaat qiladi; Platforma 3 ish kuni ichida obunani ochadi yoki to'lovni qaytaradi.
7. Qaytarish (refund)
7.1. Xizmat raqamli va obuna faollashgan zahoti to'liq taqdim etilgan hisoblanadi, shuning uchun faollashgan obuna uchun to'lov, qoida tariqasida, qaytarilmaydi.
7.2. Istisnolar: (a) Platforma texnik xatosi tufayli obuna ochilmagan; (b) bitta to'lov ikki marta o'tgan; (c) qonun hujjatlarida nazarda tutilgan boshqa holatlar. Qaytarish o'sha to'lov usuli orqali, provayder komissiyasini hisobga olgan holda, 10 ish kuni ichida amalga oshiriladi.
7.3. Foydalanuvchi ofertani buzganligi sababli hisob cheklanganda mablag' qaytarilmaydi.
7.4. O'rin paketi bo'yicha faqat hali o'quvchiga biriktirilmagan kreditlar uchun mablag' qaytariladi; biriktirilgan o'rin taqdim etilgan xizmat hisoblanadi.
7.5. Full Exam propuski bo'yicha faqat hali ishlatilmagan (Full Exam boshlanmagan) propusk uchun mablag' qaytariladi.
8. AI xizmatlari, kontent va javobgarlik
8.1. AI baholash, Grammar fix va AI Tutor sun'iy intellekt modellari (Anthropic Claude) yordamida ishlaydi. Natijalar avtomatik, xato yoki noaniq bo'lishi mumkin va rasmiy imtihon bahosi bilan bir xil emas. Platforma rasmiy imtihonda muayyan natijaga erishishni kafolatlamaydi.
8.2. Foydalanuvchi AI baholash uchun yuborgan matn va nutq transkriptlari baholash maqsadida AI provayderiga uzatiladi (batafsil — Maxfiylik siyosati). Shaxsiy ma'lumotlarni (pasport, karta raqami va h.k.) bunday matnlarga kiritmaslik tavsiya etiladi.
8.3. Platformadagi darslar, testlar, matnlar, audio va dizayn Platformaning intellektual mulki yoki litsenziya asosida ishlatiladi; faqat shaxsiy o'quv maqsadida foydalanishga ruxsat beriladi.
8.4. Platforma "boricha" (as is) taqdim etiladi. Rejalashtirilgan texnik ishlar oldindan e'lon qilinadi; 24 soatdan uzoq uzilishda Platforma obuna muddatini shu davrga uzaytiradi. Platforma internet aloqasi, foydalanuvchi qurilmasi yoki uchinchi tomon xizmatlari (to'lov tizimi, AI provayderi) uzilishi uchun javobgar emas.
8.5. Platformaning har qanday da'vo bo'yicha javobgarligi Foydalanuvchining oxirgi 30 kundagi to'lovlari summasi bilan cheklanadi.
9. Aloqa va nizolar
9.1. Murojaatlar: sayt ichidagi "Bog'lanish" sahifasi. Javob muddati — 3 ish kunigacha.
9.2. Nizolar muzokara yo'li bilan hal qilinadi; kelishilmasa — O'zbekiston Respublikasi qonunchiligiga muvofiq sudda.
9.3. Platforma ofertaga o'zgartirish kiritish huquqini saqlab qoladi. Yangi tahrir saytda e'lon qilingan kundan kuchga kiradi; muhim o'zgarishlar haqida Foydalanuvchiga sayt ichida va Telegram bog'langan bo'lsa bot orqali xabar beriladi. O'zgarishdan keyin xizmatdan foydalanishni davom ettirish yangi tahrirga rozilik hisoblanadi.
9.4. Xizmat ko'rsatuvchi: CEFR-TUTOR (cefr-tutor.uz), O'zbekiston Respublikasi. Rekvizitlar to'lov chekida va "Bog'lanish" sahifasida ko'rsatiladi.
Shuningdek qarang: Obuna shartlari va limitlar · Maxfiylik siyosati (ma'lumotlarni saqlash va boshqarish) · Bog'lanish